ina

Mga Sakripisyo ng Isang Ina Para sa Kanilang Mga Anak

Wonderwoman — yan ang salitang angkop na itawag sa mga ina sa buong mundo dahil sa dami ng sakripisyong kanilang ginagawa. Mula sa pagbubuntis, panganganak, at maging sa paglaki ng kanilang anak ay nariyan lagi ang isang nanay. Siya ay handang magmahal, umalalay, gumabay, at magpatawad nang paulit-ulit.

Importante rin na bago ka pumasok sa buhay ng isang nanay ay alam mo ang mga sakripisyong kailangang pagdaanan. Isa itong liham na nagpapasalamat sa aking nanay — at kasama rin ang lahat ng inang pinoy. Kaya tatalakayin ng Preggy to Mommy ang pagmamahal at sakripisyo ng mga ina.

Source

Sa Pagbubuntis

Kung iisipin ay 9 months niyang dadalhin ang bata sa kanyang sinapupunan. Alam ng isang babae na maraming puwedeng mangyari sa loob ng napakahabang panahon na ito. Mga bagay na di natin inaasahan katulad ng pagkakaroon ng complications, pagkakasakit at marami pang iba.

Source

Iba’t ibang klase ang pinagdadaanan ng isang ina habang nagbubuntis. Nariyan ang mga pagbabago sa kanyang katawan dahil sa paghahanda nito sa pregnancy. Makakaranas rin siya ng pagsusuka, pagkahilo, pagtamlay kumain o kawalan ng ganang kumain at kung minsan pa nga ay paninikip ng dibdib at hirap sa pag hinga.

Sa Pagpapalaki ng mga Anak

Kapag nailuwal mo na ang baby ay hindi nangangahulugang tapos na ang iyong pagsasakripisyo. Sa mahabang panahon ay iaalay mo ang iyong buhay upang mapalaki ng wasto at maayos ang iyong anak. Kailangan mo siyang tutukan upang masigurado na walang mangyayaring masama sa kanya.

Katulad na lamang sa pagkakasakit ng anak. Hindi ba’t madalas nating marinig na sinasabi ng isang nanay na sana siya na lang ang magkasakit at hindi na lamang ang anak niya.

Source

Oras

Isa rin sa maraming sacrifices ng lahat ng ina sa mundo ang kanilang oras. Madalas ay wala na silang time para sa kanilang sarili dahil sa pag-aalaga, dami ng dapat punan at sa dami din ng dapat gawin. Katulad nga ng sinabi ko kanina ay siyam na buwang dinadala ng isang ina sa kanyang womb ang isang baby. Ganito kahabang panahon ang handa niyang igive-up upang mailuwal nang matiwasay ang kanyang anak sa mundo.

Mga Bagay na Kanyang Nakagawian

Dahil sa lubos na pagmamahal ng isang nanay sa kanyang anak ay kaya rin nitong isakripisyo ang mga bagay na kanyang nakagawian. Ito ay mga bagay na parte na ng kanyang buhay bago siya magkaroon ng anak. Mahirap para sa kanyang bitiwan ang mga bagay na ito ngunit para sa ikabubuti at ikasasaya ng kanyang supling ay buong loob niya itong isinakripisyo.

Source

1. Unhealthy Habits

Maaring siya ay mahilig manigarilyo o uminom ng alak bago dumating ang baby sa kanyang buhay. Ngunit, dahil alam niyang marami itong masamang bagay na maaring idulot sa kanyang pregnancy ay buong loob niya itong itinigil.

Alam mo bang napakahiram ng bagay na ito? Sa pagkat, kapag nasanay na ang iyong katawan na meron sigarilyo at alak sa sistema ay di ito ganoon kadaling iwasan at permanenteng tanggalin.

2. Hobbies

Isa rin sa maisasakripisyo ng isang ina ang kanyang hobbies. Ito ay kung mahilig ba siyang magbasa ng mga libro, magpinta ng mga larawan, mag-gardening, at kung anu ano pa. Hindi naman masama o ipinagbabawal na magkaroon ng mga bagay na paglilibangan ang isang ina. Sa totoo nga ay kailangan niya pa ang mga ito upang masatisfy din naman ang kanyang sarili. Ngunit, kapag dumating ang panahon na may kailanganin ang anak ay isinasantabi niya ang mga hobbies na ito upang unahin iyon.

Source

3. Time with Your Husband

Maski ang oras mo para sa iyong asawa ay tiyak na kakailanganin mong isakripisyo para sa iyong anak. Alam kong hindi lingid sa iyong kaalaman na madaming asawang lalaki ang nagseselos dahil sa rason na ito. Dahil sa mas pinahahalagahan mo ngayon ang pag bibigay ng atensyon at pagtugon sa pangangailangan ng iyong anak ay madalas nawawalan o nagkukulang ka na ng oras para sa iyong asawa.

4. Appearance

Dahil sa dami ng pangangailangan ng kanyang anak at sa di matapos tapos na mga gawain sa bahay ay madalas nawawalan na ang isang mommy ng oras upang makapag ayos ng kanyang sarili. Ngunit, para sa kanya okay lang iyon. Ang mas mahalaga para sa isang nanay ay ang matiwasay aT malusog na pangangatawan ng kanyang pamilya.

Pagmamahal at Sakprisiyo Ng Isang Ina

Tunay nga na isang ginto ang ating mga ina. Sa dami ng kanilang mga sakripisyo ay andyan pa rin sila kaakibat ng lahat, na ang mga anak nila’y mabuhay na masaya. Hindi talaga nating mailahad kung gaano kalakas at kalalim ang mahal ng isang ina. Tunay ngang maituturing nating Wonderwoman ang ating mga nanay. Wala dapat dumaan na araw na hindi natin aalalahanin ang sakripisyo ng ating mga ina. Kaya ako ay magsasabi: Salamat, mommy, para sa lahat!

Source

Disclaimer: The information on this site is not intended or implied to be a substitute for professional medical advice, diagnosis, or treatment. All content, including text, graphics, images, and information, contained on or available through this website is for general information purposes only. Please see a medical professional if you need help with depression, illness, or have any concerns whatsoever. WE DO NOT OFFER MEDICAL ADVICE, COURSE OF TREATMENT, DIAGNOSIS, OR ANY OTHER OPINION on your conditions or treatment options. SERVICES OR PRODUCTS THAT YOU OBTAIN THROUGH THIS WEBSITE are for information purposes only and not offered as medical or psychological advice, guidance, or treatment.

We also use some affiliate links in this blog to help support the continuous production of wholesome parenting content such as this. 🙂 Feel free to use them to show your support.

Kathy Urbanski

Leave a Comment

Your email address will not be published. Required fields are marked *